നാലോ അഞ്ചോ വയസ്സ് മാത്രമുള്ള ഒരു കുട്ടി തനിയ്ക്കു ചുറ്റുമുള്ള ബന്ധുക്കളെയും ഇഷ്ടക്കാരെയും തന്റെ നിഷ്കളങ്കമായ കണ്ണുകൾകൊണ്ട് നിരീക്ഷിക്കുകയാണ്. ജീവിതത്തിന്റെ നന്മകളും തിന്മകളും തിരിച്ചറിയുന്ന പ്രായമാണ് അവൾക്ക്. എല്ലാ കഥകളിലും ഈ പെൺകുട്ടി വരുന്നുവെന്നതിനു പുറമെ മറ്റൊരു പുതുമ കൂടിയുണ്ട് ഈ പുസ്തകത്തിന്. ഒന്നിലധികം കഥകളിൽ ഇതിലെ ചിലരെങ്കിലും തുടർച്ചയായി പ്രത്യക്ഷപ്പെടുന്നുണ്ട്. ഈ കുട്ടിയുടേതുപോലെ വല്യമ്മച്ചിയുടെ കണ്ണുകളും എല്ലായിടത്തും എത്തുന്നുണ്ട്. ഒരുവിധത്തിൽ ആ വല്യമ്മച്ചിയുടെ തുടർച്ച തന്നെയാണ് അവരുടെ മൂന്നാംതലമുറയിലെ ഈ പെൺകുട്ടി. നന്മകൾക്ക് അനിവാര്യമായ തുടർച്ച നമ്മളെ സന്തോഷിപ്പിക്കും.

അഷ്ടമൂർത്തി (അവതാരികയിൽനിന്ന്)