ഉമ്മറത്ത് തെക്കുവടക്ക് നീണ്ടുകിടക്കുന്ന കോലായയുടെ
വെണ്‍ചുമരില്‍ ഒട്ടേറെ ദൈവങ്ങളും മനുഷ്യരും…
കുട്ടിക്കാലത്തിന്റെ ചുമരിലെ ചില്ലുപടങ്ങള്‍:
പുഞ്ചിരിക്കുന്ന മഹാത്മാഗാന്ധി, ഉദ്ധതനായ ജോസഫ് സ്റ്റാലിന്‍,
യോഗിവര്യനെപ്പോലെ രവീന്ദ്രനാഥ ടാഗോര്‍,
കാവിയണിഞ്ഞ വിവേകാനന്ദന്‍…
അക്കൂട്ടത്തില്‍ ഞങ്ങളുടെ കുടുംബത്തിലെ
ആരുമുണ്ടായിരുന്നില്ല; ഫോട്ടോ ആയോ ഛായാചിത്രമായോ
ഒന്നും! കുട്ടികളുടെ പടങ്ങളും തീരേയില്ല. അക്കാലം
മുതിര്‍ന്നവരുടെ മാത്രം കാലമായിരുന്നിരിക്കണം. ഞങ്ങള്‍
കുഞ്ഞുങ്ങള്‍ കാക്കകളെപ്പോലെ, ചവലക്കിളിക്കൂട്ടം
പോലെ, ആകാശമുടിയില്‍ പറക്കും പരുന്തുകളെപ്പോലെ
ഒരു വര്‍ഗമായിരുന്നു.
കിളികുലം!

മലയാളിയുടെ പ്രിയപ്പെട്ട എഴുത്തുകാരിയുടെ
ആത്മകഥയിലെ ഗൃഹാതുരമായ ഒരേട്