പ്രണയനിരാസം ഉള്ളിൽ കനൽപോലെ എരിഞ്ഞു. അതു പകയുടെ ആയുധം രാകി മൂർച്ചപ്പെടുത്തി. തന്ത്രങ്ങളും ചതിയും കൈക്കരുത്തിനു പുതിയ അഭ്യാസമുറകൾ ചമച്ചു. പ്രണയവും വിരഹവും കലഹവും സംഹാരഭാവത്തിലേക്ക് പരിണമിച്ചു. പക്ഷേ, കിഷ്കിന്ധയുടെ കാവലാളായ അജയ്യനായ ബാലിയുടെ മനസിലെ പടനീക്ക ങ്ങൾ, ആരും അറിഞ്ഞില്ല…

യുദ്ധം പശ്ചാത്തലമായ ഈ നോവൽ. ത്രസിപ്പിക്കുന്ന മുഹൂർത്തങ്ങളിലൂടെ സഞ്ചരിക്കുന്നു. രാമായണകഥയിലെ സങ്കീർണ്ണമായൊരു സഹോദരബന്ധത്തെ തലനാരിഴകീറി പരിശോധിക്കുമ്പോഴും തുടക്കക്കാരന്റെ തിടുക്കമില്ലാതെ, തികഞ്ഞ കൈയൊതുക്കത്തോടെ, ലളിതവും ചടുലവും ഹൃദയാവർജ്ജകവുമായി കഥ പറയാൻ നോവലിസ്റ്റിനു കഴിഞ്ഞിരിക്കുന്നു.